Sokar's Schreibkraft schreibt

Auf da Prådastråßn
håt a gwohnt – da Schani
links – rechts a Drahdiwaberl
den Bogn håt der raus ghåbt

ganz ohne Genant und relevant
schrieb er an scheenen Tånz
und kaan Pflånz fürs Volk
åba a fir di då obn

im Dommayer håbns tånzt
nåch seine Notn
håm Schmettalinge im Bauch ghåbt
und de Fledermäs san gflogn

de Donau håt si vabläut
in seine Adern floß Wiener Blut
verbråchte Nächte in Venedig
und unlich vü Tritsch-Tratsch
håt er verbreitet da Schani

© HK®intelen 08.07.2008

Download MP3 (0,9 MB)

In da Tram im hintan Wagon
steigt a ojds Muartal ein, mit ihrem Sohn
"Junger Mann kenntns mi setztn låssn, bitte sehr?"
da Bursch schaut um weu da Åhänga is hoibat leer

"Hears drahns erna um, då hint is ois no frei"
worauf der Sohn mant: "No is des net a Analei
wåun mei Muarta gråd då sitzn mecht?"
"Na des is ma Wurscht, do kennans mi schlecht
i steh net auf, setzt eich hi wos wojts, åba sicha net då."
No jetztn håmma des Gwiarks in da Tram anfåch so

a auftaklte Dame kreischt: "De ojde Frau wårt scho lång
stegans endlich auf und steullns erna in Gång."
Das ojde Muartal beschwichtigt: "I steig eh glei wieda aus
bei da nächstn Station bin i sowieso scho zu Haus."

a ötara Herr resoniert leis vur si hin:
"So an Flegl, sollt ma außeschmeißn aus dera Bim
a Benehmen is des, so wås is jå nimma normal."
"Schau a Klugscheißa red a mit, jetzt auf a Mål,
glaubn's ma wånnst net schtantepede de Goschn håtst
zaleg i die und du brauchst schnö an Årzt."

beim nächstn Hålt steigt aus dem Wagon
da öltare Herr, die ojte Frau mit ihrem Sohn
weu vü håt net gfölt und de hättn si okraglt, des glaub i schon
då hätt Ana den Åndan an Hoidspidschama ånzogn

åba des gibt's jetzt Ålles net mehr
weu da Anazwanzka fåhrt leida nimma mehr

© HK®intelen 24.06.2008

Download MP3 (2,1 MB)

Zeitgleich betreten
in diesem Zimmer
empfindlich miteinander

vor dem Haus flackernde
Straßenlampen vor
schamlosen Werbeflächen

und wir immer drängender
ein Miteinander in süßer
Bodenlosigkeit

© HK®intelen 20.05.2008

Download MP3 (0,4 MB)

Mittäglichem Pastelllicht
beginnt zu grauen - Sonnenschirme
blähen sich maßlos auf

in den Lüften nimmt
Spannung zu - wie über
Trauerweiden ein Donnerwetter

Mückenschwärme verdunkeln
ein Fressen für die Schwalben
die längst keinen Sommer machen

Sturmregen - mit Haut und Haaren
durchnässt - im Nacken stellt sich
das Wetter auf

hinter unserem Rücken - ziehen
Wolken ab und hinterlassen
ein Vakuum

© HK®intelen 13.01.2008

Download MP3 (0,7 MB)

Vurbei de Faszination
von Riesn und Zwergn
des Panoptikum des nimma geht
längst scho auf da Ringstråßn steht

Huh und Buh in da Geistabåhn
schreckt kane Kinda mehr
und s’ oide Ringlg’spül
steht a recht lång scho stüll

Turbo muaß des Ålles sein
dånn checken a de Kiddy’s ein
Wirschtln und Sålzgurkn san antiquiert
Döner und Kebab krieagst heit serviert

da Wurschtl hot si scho lång dahengt
bei uns do im neichn Pråda
de Elektronik hot ålls vadrengt
wås einst so gfreit hot mein Våda

© HK®intelen 4.12.2007

Download MP3 (0,9 MB)